Курьерлерге арналған құпиялылық саясаты
«Zhetkizu Courier» мобильді қосымшасын пайдаланатын курьерлердің дербес деректерін, құжаттарын және фонолық геолокациясын өңдеу ережесі
1. Жалпы ережелер
Осы Курьерлерге арналған құпиялылық саясаты «Дербес деректер және оларды қорғау туралы» ҚР 2013 жылғы 21 мамырдағы № 94-V Заңының талаптарына сәйкес жасалған және «Ералиев» жеке кәсіпкері (ЖСН 030322550352, заңды мекенжайы: Қарағанды қ., Қ. Мыңбаев к-сі, 1/21, бұдан әрі — «Оператор») арқылы «Zhetkizu Courier» қосымшасын пайдаланып жеткізу қызметін көрсететін курьерлердің деректерін өңдеу мен қорғау тәртібін айқындайды.
1.1. Қосымшаға тіркелу тек 18 жасқа толған, толық азаматтық әрекет қабілеттілігі бар тұлғаларға рұқсат етіледі.
1.2. Тіркелу және «Ауысымға шығу» курьердің осы Саясатпен, сондай-ақ геолокацияны (соның ішінде фондық режимде) өңдеу шарттарымен толық және ерікті келісімін білдіреді.
2. Курьерлерден жиналатын деректердің құрамы
- Сәйкестендіру деректері: тегі, аты, әкесінің аты (бар болса), туған күні, ЖСН (ИИН);
- Байланыс деректері: ұялы телефон нөмірі (авторландыру және SMS-кодпен растау үшін), электрондық пошта (есептер үшін);
- Жеке басын куәландыратын құжаттар: жеке куәліктің / төлқұжаттың фотокөшірмесі; авто және мото-курьерлер үшін қосымша: жүргізуші куәлігі және көлікті тіркеу туралы куәлік (техпаспорт);
- Профиль фотосы (селфи): курьердің жеке басын тексеру (верификация) және тапсырысты жеткізу кезінде клиент пен мекемеге көрсету үшін;
- Қаржылық реквизиттер: тапқан табысты және 100% чаевойларды күнделікті/апталық негізде ресми төлеу үшін банктік шот (IBAN) немесе карта нөмірі;
- Салықтық мәртебесі: жеке кәсіпкер (ЖК) немесе платформалық жұмыспен қамту режимінде (eSalyq Business) тіркелу мәртебесі.
3. Геолокация және фондық режим (Background Location) туралы ереже
«Zhetkizu Courier» мобильді қосымшасы курьердің толық GPS-координаттарын (геолокациясын) қосымша ашық тұрғанда, сондай-ақ фондық режимде (қосымша жабық немесе экран өшірулі кезде) мынадай жағдайларда өңдейді:
- Тек курьер қосымшада «Ауысымда» (Сменада / Онлайн) мәртебесіне өткенде;
- Және/немесе белсенді тапсырысты қабылдап, оны орындау процесі кезінде.
Фондық геолокация қатаң түрде мынадай нақты мақсаттар үшін ғана қолданылады:
- Жақын тапсырыстарды табу: курьерге ең жақын маңдағы жаңа тапсырыстарды іздеу және автоматты түрде тағайындау;
- Оңтайлы маршрут құру: мейрамханаға және клиенттің жеткізу мекенжайына дейін 2GIS навигаторы арқылы маршрут салу;
- Клиентке көрсету (Live Tracking): клиентке тапсырыстың қай жерде келе жатқанын картада нақты уақытта көрсету;
- Қашықтық пен табысты дәл есептеу: курьердің нақты жүріп өткен қашықтығын есептеп, жеткізу ақысын толық төлеу;
- Антифрод және қауіпсіздік: жалған GPS (Fake GPS) пен эмуляторларды анықтау, курьердің қауіпсіздігін қамтамасыз ету.
Маңызды: Курьер «Ауысымнан шығу» (Офлайн) батырмасын басқан сәтте, геолокацияны жинау (соның ішінде фондық режимде) дереу және толықтай тоқтатылады.
4. Деректерді өңдеу мақсаттары
- Курьермен азаматтық-құқықтық шарт жасасу және верификациялау;
- Жеткізу тапсырыстарын бөлу және логистиканы басқару;
- Табыс пен бонустарды, 100% чаевойларды дәл есептеу және төлеу;
- Платформалық жұмыспен қамту (eSalyq Business) шеңберінде салықтық чекті қалыптастыру және міндетті аударымдарды жасау;
- Даулы мәселелерді қарастыру және қызмет сапасын қамтамасыз ету.
5. Деректерді беру және құжаттарды қорғау
5.1. Курьерлердің жеке куәліктері мен құжаттарының фотосуреттері қорғалған және шифрланған түрде (Encryption at Rest) оқшау сақталады және тек комплаенс мамандарына ғана қолжетімді.
5.2. Деректер тек мына жағдайларда беріледі:
- Клиентке: тапсырысты орындау кезінде курьердің аты, фотосы, көлік түрі және картадағы қозғалысы;
- Мейрамханаға: тапсырысты қабылдап алу үшін курьердің аты және тапсырыс нөмірі;
- Екінші деңгейлі банктерге: табысты картаға/шотқа аудару үшін;
- ҚР Мемлекеттік кірістер комитетіне (МКК): салықтық есептілік пен әлеуметтік төлемдерді тіркеу шеңберінде.
6. Курьердің құқықтары және тіркеуді жабу
6.1. Курьер кез келген уақытта сервистегі жұмысын тоқтатуға, аккаунтын өшіруге және деректерін қайтарып алуға құқылы.
6.2. Аккаунтты жабу туралы өтініш қолдау қызметіне немесе couriers@zhetkizy.kz поштасына жіберіледі. Қаржылық есеп айырысулар аяқталған соң профиль жабылады.
7. Байланыс деректері
- Оператор: ИП «Ералиев» (ЖСН 030322550352);
- Мекенжай: Қазақстан Республикасы, Қарағанды қ., Қ. Мыңбаев к-сі, 1/21;
- Курьерлерді қолдау бөлімі: couriers@zhetkizy.kz;
- Telegram-бот: @zhetkizu_courier_bot;
- Дербес деректер бойынша жауапты: privacy@zhetkizy.kz.